Зәйдә халык җыеннары дәвам итә

Зәй районында халык җыеннары һәм хезмәт коллективлары җыелышлары дәвам итә. Бүген Зәй-2 микрорайонында 2021 елның беренче яртыеллыгына нәтиҗәләр ясалды. Халык белән очрашуда район башлыгы Разиф Кәримов, 19-нчы номерлы Ульяновск округы буенча шәһәр Советы депутатлары Елена Недошивина, 20-нче номерлы совхоз округы буенча Алексей Ревин, шулай ук җаваплы затлар катнашты. Разиф Галиевич микрорайон халкын шәһәр һәм районның һәр тармагының социаль-икътисади үсеш күрсәткечләре белән таныштырды, шулай ук ул республика һәм муниципаль программаларны тормышка ашыруның барышы турында сөйләде. Зәй шәһәре Башкарма комитеты җитәкчесе вазыйфаларын башкаручы Әдиб Габдрахимов үз чыгышында 2021 елда Зәй шәһәрен һәм Зәй-2 микрорайонын төзекләндерү һәм үстерү планнарын билгеләде. Микрорайондагы оператив хәл турында полициянең участок уполномоченные Денис Терентьев сөйләде. Үз юнәлешләре буенча районның башка учреждениеләре, оешмалары җитәкчеләре дә чыгыш ясады. Җыенга район башлыгы Разиф Кәримов йомгак ясады.