Зәй почтамты хезмәт коллективының отчет җыелышы узды

Зәй почтамты хезмәт коллективының отчет җыелышы узды Бүген актлар залында Зәй почтамты хезмәт коллективының отчет җыелышы булды. Җыелышта район Башкарма комитеты җитәкчесе Эмиль Галеев, «Татарстан почтасы» федераль дәүләт унитар предприятиесенең Зәй участогы – Түбән Кама почтамты башлыгы Рөстәм Газетдинов катнашты. Эмиль Галиев үз чыгышында 2021 елның беренче яртыеллыгында районның социаль-икътисади үсешенең төп күрсәткечләре турында сөйләде. «Татарстан почтасы» ФДУП филиалы – «Татарстан почтасы» федераль дәүләт унитар предприятиесенең Зәй участогы Түбән Кама почтамты башлыгы Рөстәм Газетдинов 2021 елга өстенлекле бурычларны билгеләде: ябык ОПСЛАРДА штатны комплектлаштыру, почта челтәрен саклап калу, почта бүлекчәләрен ябуга юл куймау, язма корреспонденция китерүнең процентын арттыру, шулай ук урлауга юл куймау һәм башкалар. Зәй почтамты 100дән артык почта, финанс, инфокоммуникацион һәм башка хезмәтләр күрсәтә. Почта бүлекләре аша пенсияләр һәм пособиеләр, шулай ук матбугатка язылу басмалары һәм язма корреспонденция алып барыла. ОПСТА коммуналь хезмәтләрнең барлык төрләрен дә түләргә, банк кредитын түләргә һәм алырга, страховка рәсмиләштерергә, лотерея, тимер юл билетларын, шулай ук халык кулланышы товарларын сатып алырга мөмкин. Очрашу ахырында «Татарстан почтасы» ФДУП филиалы – «Татарстан почтасы» федераль дәүләт унитар предприятиесенең Зәй участогы Түбән Кама почтамты башлыгы Рөстәм Газетдинов предприятиенең барлык хезмәткәрләренә тырыш хезмәтләре өчен рәхмәт белдерде, аларга оптимизм, энергия, иртәгәсе көнгә ышаныч теләде. Шулай ук бүген хезмәт коллективы җыелышы «Зәй крекер»ЯАҖдә узды.