Зәйнең мәктәпкәчә яшьтәге балалары Бөтенроссия физкультурачылар көненә багышланган ярышта катнашты

12 август көнне «Энергия» стадионында Зәй муниципаль районының мәктәпкәчә яшьтәге балалары арасында Бөтенроссия физкультурачылар көненә багышланган «Катнаш эстафета» ярышлары узды. Ярышлар массакүләм спортны популярлаштыру, сәламәт яшәү рәвешен пропагандалау һәм Зәй муниципаль районы мәктәпкәчә яшьтәге балаларын физик культура һәм спорт белән шөгыльләнүгә җәлеп итү максатыннан үткәрелде. Ярышларда барлыгы 9 команда катнашты. «Катнаш эстафета» 7 этапны үз эченә алды, нәтиҗәләр буенча 1 урынны «Урман әкияте», 2 урынны «Кояшкай», 3 урынны «Уймак кыз» балалар бакчасы командасы алды. Җиңүчеләр мактау грамоталары һәм медальләр белән бүләкләнделәр. Барлык катнашучылар да истәлекле сувенирлар белән бүләкләнде. Ярышларны Олимпия чемпионы Ф.П. Симашев исемендәге олимпия резервы спорт мәктәбе оештырды.