Район кырларында бөртекле культураларны урып-җыю төгәлләнеп килә

Районда бөртекле һәм кузаклы культуралар җыю төгәлләнеп килә. Көзге бодай, көзге арыш һәм борчак җыю төгәлләнде инде. Арпа 14087 гектарның 9869 гектарында җыеп алынган, тулаем алганда, 33 мең гектарның 23700ендә җыеп алынган, бу барлык мәйданның 72% ын тәшкил итә. Туфракны төп эшкәртү 15,6 мең га мәйданда башкарылган, бу 28% тәшкил итә. Көзге культуралар өчен туфракны әзерләү 16816 га мәйданда тәмамланды. Барлыгы 5200 тонна салам эскертләнгән.