“Уңышлы тәрбия бирүнең ун ачкычы”
Зәй муниципаль районы “Радость” халыкка социаль хезмәт күрсәтү комплекслы үзәге базасында “Үсешләрендә авыр тайпылышлар булган балалар тәрбияләүче гаиләләргә комплекслы социаль ярдәм һәм реабилитация хезмәте” проектын тормышка ашыру кысаларында оештырылган ата-аналар клубы үз эшчәнлеген дәвам итә. “Ата-аналар университеты” эше кысаларында ата-аналарга психологик-педагогик ярдәм күрсәтелә, ата-аналар компетенциясен арттыру буенча чаралар үткәрелә. Алынган белемнәр максатчан төркемдәге ата-аналарга өй шартларында баланы тәрбияләү һәм үстерү өчен оптималь мохит булдыру буенча эшчәнлекне дәвам итәргә ярдәм итә. 28 июльдә “Ата-аналар университеты” эше барышында ата-аналарга “Балаларны тәрбияләүдә физик көч куллану, куркыту, янаулар кирәкме?” исемле тема тәгъдим ителде. Гаилә һәм балаларга социаль ярдәм бүлеге социаль педагогы акыллы фикер йөртүче һәм балаларын яратучы ата-аналар тәрбия барышында көч куллануның начарлыгын, кечкенә кешенең язмышы әхлак критерийларына һәм ата-анасының карашларына бәйле булуын аңларга тиеш, дип басым ясады. Ата-аналар өчен тәкъдим итү характерындагы буклетлар әзерләнгән иде. Очрашу ахырында катнашучылар түбәндәге нәтиҗәгә килделәр: әгәр бала намус белән үсә икән, ул гадел булырга өйрәнә; әгәр бала иминлектә икән, ул кешеләргә ышанырга өйрәнә; әгәр баланы хуплыйлар икән, ул үзен бәяләргә өйрәнә; әгәр баланы аңлыйлар һәм аңа карата дустанә мөнәсәбәттә булалар икән, ул бу дөньяда мәхәббәт табарга өйрәнә!!!