Зәйдә Владимир Высоцкийны искә алдылар

Бүген "Шатлык" социаль ярдәм үзәгендә ял итүчеләр өчен Владимир Высоцкийны искә алу көненә багышланган «Мондый тормышны кыска дип атап булмый» исемле әдәби-музыкаль кичә узды. Владимир Семеновичның иҗаты элеккечә үк кызыклы һәм заманча. Бүгенге кичәдә аны күптән белгән һәм яраткан кешеләр, аның турында тагын да күбрәк белергә теләүчеләр җыелды. Әдәби кичә шагыйрь турында кыскача биографик мәгълүматларны үз эченә алды. Китапханәче кунакларга театр иҗаты, аның кинодагы эшләре турында сөйләде. Чара видеороликлар күрсәтү белән үрелеп барды. Моннан тыш, аның катнашында фильмнардан өзекләр күрсәтелде. Чара барышында Высоцкийның җырлары яңгырады һәм шигырьләр укылды. Чарада катнашучылар өчен «Высоцкий кинода " дигән уен-викторинасы үткәрелде. «Ул кешеләргә гитара астында дөреслекне әйтте» дигән күргәзмә аерым урын алды, андагы музыкаль пластинкалар, фоторәсемнәр, китаплар- барысы да әлеге үз заманы өчен гадәти булмаган шәхеснең тормыш юлы һәм иҗаты турында мәгълүмат бирде