Зәйдә спиртлы продукцияне законсыз әйләнештән алдылар

Россия Эчке эшләр министрлыгының Зәй районы буенча бүлеге хезмәткәрләре тарафыннан ике сәүдә объектында тикшерү барышында этикеткасына дару формаларын әзерләү өчен 95% лы фармацевтик антисептик эретмә дип язылган үтә күренмәле, 100 мл сыешлы сыеклыклы флаконнар сату очраклары ачыкланды. 10 флакон күләмендәге спиртлы сыеклык шәхси эшмәкәрләрдән тартып алынды һәм эш материаллары белән бергә ТР Дәүләт алкоголь инспекциясенең Түбән Кама территориаль органына административ тикшерү үткәрү өчен тапшырылды. Тартып алынган барлык продукция экспертизага җибәрелде. «Татэкспертцентр» ДБУ эксперт тикшеренүе нигезендә, тәкъдим ителгән үрнәктәге этил спиртының күләме 95,4% тәшкил итә. Шулай итеп, шәхси эшмәкәрләр этил спиртын ваклап саттылар. Мондый гамәлләр РФ КоАП 14.16 статьясындагы 1 өлешендә каралган административ хокук бозу составының объектив ягын тәшкил итә (этил спиртын, шул исәптән этил спиртын (этанол), яки спиртлы тәм-том һәм биологик актив тәм өстәмәләрен, яки шәраб материалларын ваклап сату). ТР Дәүләт алкоголь инспекциясенең Түбән Кама территориаль органы