Зәй районында Питрау бәйрәме узды

12 июль көнне Баграж авыл җирлегенең Кашкатау итәгенә, гадәттәгечә, зәйлеләр һәм район кунаклары Питрау бәйрәменә җыелды. Бәйрәм программасы керәшен фольклор коллективлары чыгышы белән башланып китте. Тантаналы ачылышта зәйлеләрне һәм кунакларны район башлыгы Разиф Кәримов, Татарстан Республикасы керәшеннәр җәмгыяте идарәсе әгъзасы, Мамадыш муниципаль районы башлыгы Анатолий Иванов сәламләделәр. Бу көнне өлкән буын кешеләрен-юбилярларны, яңа туган сабыйларны, яңа гына өйләнешкән һәм озак гомер кичергән парларны котлау традициясе яши. Бәйрәм сәхнәсендә районда яшәүче 100 яшьлек Сәкинә Мөхәммәтдинова, 50 ел бергә яшәүче Нина һәм Алексей Солдаевлар, Сарсаз-Баграждан уллары Матвей туган Николай һәм Олеся Тавлиннар гаиләсе истәлекле бүләкләр белән билгеләп үтелде. Бу кичтә Кашкатау итәге чын мәгънәсендә юмарт бүләкләр, яңгыравыклы җырлар һәм дәртле биюләр ярминкәсе булды. Район халкы һәм кунаклары берничә мәйданчыкта: «Кунакларны каршылау», «Чишмә», «Таш мич», «Халык уеннары», «Авыл көнкүреше», «Милли ихата», балалар, спорт, төп мәйданчыкта була алдылар. «Ашамлык» мәйданчыгында теләүчеләр учакта әзерләнгән балык шулпасы, пылау татып карый алдылар. Быел Питрауның үзенчәлеге - «Пленэр» мәйданчыгы-Зәй районы турында бөтен республикадан килгән этнорәссамнар язган картиналар күргәзмәсе булды. Проект кысаларында иҗат ителгән сәнгать әсәрләре уникаль тарихи архивны булдыру өчен нигез булачак. Зәй муниципаль районында «Безнең ил» («Безнең край») этник рәссамнар республика пленэрын оештырган өчен Зәй муниципаль районы Башлыгының Рәхмәт хаты белән түбәндәгеләр бүләкләнде: Татарстан Республикасы Рәссамнар берлеге идарәсе рәисе Альберт Шиабиев; пленэр директоры, Татарстан Республикасы Рәссамнар берлегенең төбәк иҗтимагый оешмасы әгъзасы Илья Максимов; "Безнең ил" пленэры администраторы Антонина Елисова, Үзәкләштерелгән китапханә директоры Сәрия Батыршина һәм башкалар. Бәйрәм кунакларын татар эстрадасы артистлары - «Агыйдел» дәүләт җыр һәм бию ансамбле, Җәвит Шакиров, Виталий Агапов, Марина Карпова, Вадим Захаров, Роберт Андреев һ.б. үзләренең иҗади номерлары белән сөендерде. Спорт мәйданчыкларында уеннар һәм ярышлар, көрәш, армспорт, гер күтәрү узды. Моннан тыш, барлык теләүчеләр милли уеннарда, судагы конкурсларда катнаша алдылар. Төп мәйдандагы конкурсларны алыштыргысыз Җәвит Шакиров алып барды. Кече сәхнәдә «Керәшен җыры әйтә балалар», «Питрау чибәре – 2021», «Ак дәдәй», «Моңлы тавыш 60+» конкурслары оештырылды. Бәйрәмдә алтынчы чакырылыш Татарстан Республикасы Дәүләт Советы депутаты Николай Нефедов, Әгерҗе муниципаль районы башлыгы Азат Вәлиев һәм башка мөхтәрәм кунаклар катнашты. Питрау файер шоу һәм традицион бәйрәм учагы белән тәмамланды. .