Зәйдә гаилә, мәхәббәт һәм тугрылык көнен билгеләп үттеләр

8 июльдә Россиядә күңелле һәм тирән мәгънәгә ия бәйрәм – Гаилә, мәхәббәт һәм тугрылык көне билгеләп үтелә. Бу бәйрәмнең тарихы үз тамырлары белән борынгы Руська барып тоташа. Гаилә көне чагыштырмача күптән түгел, 2008 елдан бирле билгеләп үтелә. 8 июльдә «Спарта» сәламәт яшәү рәвеше клубында ачык һавада яшьләр эшләре идарәсе белгечләре тарафыннан «Гаилә-бәхетле Йолдызлык» фестиваль-конкурсы оештырылды. Бәйрәмгә балалар белән яшь гаиләләр чакырылган иде. Бәйрәм яшьләр үзәге белгечләре оештырган җылы, дустанә атмосферада үтте. Ата-аналар балалар белән бергә конкурсларда һәм уеннарда актив катнаштылар, табышмаклар чиштеләр, сорауларга җавап бирделәр, шулай ук катнашучыларга алдан ук визитка һәм өй ашлары әзерләргә кирәк иде. Чарада актив катнашканнары өчен барлык гаиләләр дә дипломнар һәм истәлекле бүләкләр белән бүләкләнде. Иң бәхетле гаиләләр видео репортажда гаилә бәхетенең серләре белән уртаклаштылар һәм ешрак шатлык мизгелләрен бүләк итүләрен теләделәр.