Зәй районында авыл җирлекләре башлыкларының күчмә семинары узды

Бүген Зәй районында район башлыгы Р.Г. Кәримов, идарә башлыклары, предприятие һәм оешма җитәкчеләре катнашында авыл җирлекләре башлыклары күчмә семинары узды. Семинар графигына 7 авыл җирлеге кертелгән иде. Эш шәһәр территориясен: Җиңү бульвары, Нариманов, Автодорожная урамнарын караудан башланды. Аннары семинарда катнашучылар Александр бистәсе авыл җирлеге аша уздылар. Яңа Спас авыл җирлегендә Чучелов крестьян-фермер хуҗалыгында булдылар, Урсай авылында Үзәк урамындагы суүткәргечне карадылар. Бохарай авыл җирлегендә семинарда катнашучылар мәктәптә, Апач авылында-Галиуллин крестьян-фермер хуҗалыгында булдылар. Сармашбаш авыл җирлегенең Федоровка авылында- һәйкәл, Югары Нәлимдә - Сабантуй үткәрү урыны, Баграж җирлеге Сарсаз-Баграж авылында балалар мәйданчыгы, һәйкәл һәм район чикләре каралды. Семинарның максаты-территорияләрне төзекләндерү, шәхси ярдәмче хуҗалыкларның һәм КФХларның эше белән танышу, авыл җирлекләре территорияләрендә үзара салым республика программасы буенча башкарылган эшләргә бәя бирү. Югарыда аталган авыл җирлекләре башлыкларының отчетлары тыңланды. Район башлыгы Разиф Кәримов, үз чиратында, территорияләрне төзекләндерү буенча тиешле күрсәтмәләр бирде һәм теләкләрен җиткерде.