«Кешеләргә табигатьне ничек сакларга кирәклеген күрсәтү өчен, билгеләр ясыйбыз һәм тиешле урыннарга куябыз» табигатьне саклау акциясе

«Салават күпере» балалар бакчасында «Кешеләргә табигатьне ничек сакларга кирәклеген күрсәтү өчен билгеләр ясыйбыз һәм тиешле урыннарга куябыз» дигән табигатьне саклау акциясе узды. Анда мәктәпкә әзерлек логопед «Б» төркеме катнашты. Акциянең максаты: экология турындагы белемнәрен пропагандалау, ял итү урыннарында, көндәлек тормышта экологик аң алшартларын формалаштыру, белемнәрен күтәрү. Әлеге проект кысаларында балалар экологик билгеләр ясадылар һәм Р.Ш. Фәрдиев исемендәге ял итү паркында тиешле урыннарга беркеттеләр. Шәһәр халкы табигатькә карата сак булыр дип ышанып калабыз. Чөнки әлеге билгеләр ял итүчеләргә табигатьтә үз-үзеңне ничек тотарга кирәклеген исләренә төшереп торачак.