8 апрельдә Зәйдә вакантлы эш урыннары ярминкәсе узды

8 апрель көнне Зәй шәһәре халыкны эш белән тәэмин итү үзәге базасында Zoom платформасында онлайн режимда «вакансияләр ярминкәсе» узды. Чарада "КАМАЗ" ЯАҖ «ТЭМПО» Кама металл корылмалар заводы, «Ремдизель» АҖ вәкилләре катнашты. Эш бирүчеләр тарафыннан 91 эш урынына 38 вакансия тәкъдим ителде, алар арасында: контролер, стропальщик, инженер-технолог, фрезерчы, кран машинисты, кладовщик, механик җыю эшләре слесаре, программа белән идарә итүче станоклар операторы, слесарь-җыючы, автомат линияләр һәм агрегат станоклары көйләүче, станок һәм ярымавтоматик линияләр операторы, автомобильләр ремонтлау слесаре, метрология инженеры, транспортировщик, буяучы, ярдәмче эшче, икътисадчы, йөк төяүче. Ярминкәдә барлыгы 12 кеше катнашты, шуларның 2се-хатын-кызлар. 12 кеше консультация, 3 кеше эшкә юллама алды. Ярминкә барышында гражданнарга эш графигы, хезмәт хакы күләме, хезмәт шартлары һәм эш эзләүчеләргә карата таләпләр, медицина тикшерүе узу турында барлык кирәкле мәгълүмат аңлатылды. Моннан тыш, килүчеләргә «Россиядә эш» гомумроссия вакансияләр базасын куллану һәм эш эзләү мөмкинлекләре турында мәгълүмати буклетлар таратылды.