Зәйдә Татарстан Республикасында Туган телләр һәм халык бердәмлеге елына багышланган һөнәри юнәлеш чарасы узды

8 апрельдә “Алтынчәч” балалар бакчасында Татарстан Республикасында Туган тел һәм халык бердәмлеге елына багышланган һөнәри юнәлеш чарасы узды. Чараны халыкны эш белән тәэмин итү үзәге профконсультанты Юлия Рәшит кызы үткәрде. Ул балаларны халыкны эш белән тәэмин итү үзәгенең эш процессы белән таныштырды, бу темага мультфильм күрсәтте, “һөнәр” төшенчәсе белән таныштырды һәм һөнәрләрнең кызыклы дөньясы турында сөйләде. Чара барышында балалар һөнәрләр темасына табышмакларга җаваплар эзләделәр, «Һөнәреңне өйрән» уенында катнаштылар, үзләрен кызыксындырган барлык сорауларны бирделәр. Профориентация чарасында әзерлек төркеме балалары катнашты. Чара тәмамлангач, Юлия Рәшит кызы барлык катнашучыларга да төрле һөнәрләр төшерелгән значоклар бүләк итте.