“Урманны коткаручылар" исеме астында макулатура тапшыруга әзерлек буенча акция

4 нче мәктәптә «ЭКОяз 2021» республика акциясе кысаларында макулатура тапшыруга әзерлек буенча акция старт алды. Макулатура җыюның төп максаты – укучыларда ресурсларга сакчыл караш тәрбияләү, кәгазьне рациональ файдалануга өйрәтү. Акция алдыннан сыйныф җитәкчеләре «Урманга рәхмәт әйтәм!» дигән темага сыйныф сәгате үткәрделәр, анда кулланылган кәгазьне ни өчен тапшырырга кирәклеге, эшкәртүдән соң нәрсә эшләргә була, макулатура җыю урманнарны ничек сакларга ярдәм итүе турында сөйләделәр. Макулатура җыю буенча акция 2021нче елның 1нче апреленнән 26нчы апреленә кадәр уза. 1-11 сыйныф укучылары әти-әниләре белән бергә кәгазь калдыклары: газеталар, дәфтәрләр, журналлар, кулланылган товарлардан катыргы тартмалар җыялар.