«Кадрлар резервы» республика яшьләр проекты

2021 елның 24 гыйнварында «Кадрлар резервы» республика яшьләр проектының 12 сезонына заявка бирү кампаниясе тәмамланды. Барлыгы 1667 кеше теркәлгән, шуларның 1103-е кабул ителгән. Гаризалар Татарстанның 45 муниципалитетыннан килгән. Эксперт комиссияләре тарафыннан Татарстан Республикасының 22 муниципалитетыннан 133 катнашучы сайлап алынды. Зәй районыннан бер кеше сайлап алу турларын узды һәм беренче этапның йомгаклау исемлегенә керде – бу Яшьләр эшләре буенча идарәнең «Дуслык» яшьләр үзәге җитәкчесе Рыжова Лилия Алик кызы. 31 марттан 5 апрельгә кадәр Казан шәһәренең «Идел» яшьләр спорт комплексында проектның беренче туры узды. 5 көн дәвамында катнашучылар белән формаль булмаган белем бирү тренерлары эшләде. Шулай ук катнашучылар 11 Open Talk ' ов һәм дәүләт яшьләр сәясәте, социаль үзгәрешләр һәм коммерцияле проектлар, цифрлаштыру, лидерлык һәм кадрлар турында лекцияләр тыңладылар. Хәзер катнашучыларга 1 дистанцион этапны үтү буенча эшне башларга кирәк, аның нәтиҗәләре буенча 2 этапта катнашучылар сайлап алыначак.