Зәйдә кошлар темасына муниципаль онлайн-викторина үткәрелде

Республикада игълан ителгән Туган телләр һәм халыклар бердәмлеге елы уңаеннан, Зәйдә Туган як елы кысаларында 1нче апрельдән 6сына кадәр «Туган як кошлары турында нәрсәләр беләм?» исемле муниципаль онлайн-викторина булып узды. Онлайн-викторинада шәһәр һәм районның 14 гомуми белем мәктәбеннән 4-8 нче сыйныф укучылары катнашты. Әлеге чарада барлыгы 31 эш каралды. Онлайн-викторинада кошлар темасына кагылышлы презентация, кроссворд, кул эшләнмәләре һәм рәсем-плакатлар татар һәм рус телләрендә кабул ителде.