Эшсез гражданнарны эшкә урнаштырганда юридик затларга һәм шәхси эшмәкәрләргә дәүләт ярдәме турында

Татарстан Республикасы Хезмәт, мәшгульлек һәм социаль яклау министрлыгы хәбәр иткәнчә, РФ Хөкүмәтенең 2021 елның 13 мартындагы 362 номерлы карары нигезендә, 2021 елда эшсез гражданнарны эшкә урнаштырганда юридик затларга һәм шәхси эшмәкәрләргә дәүләт ярдәме каралган. Эш бирүченең эшчеләргә хезмәт хакы түләүгә чыгымнарын өлешчә компенсацияләү рәвешендә субсидияне Россия Федерациясе Социаль иминият фонды бирә. Эш бирүче, субсидия алу өчен эшсезләрне эшкә урнаштыру күздә тотылган вакансияләр исемлеген күрсәтеп, мәшгульлек үзәгенә "Работа в России" порталында шәхси кабинет аша гариза юллый. Мәшгульлек үзәгендә 2021 елның 1 гыйнварына эшсезләр сыйфатында һәм эш бирүчегә эшкә урнаштыру өчен мәшгульлек хезмәте органнары юллаган датага исәптә торучы һәр эшкә урнаштырылган гражданга чыгымнарны компенсацияләү хезмәт өчен түләүнең иминият кертемнәре суммасына арттырылган минималь хезмәт хакының өчләтелгән күләменә кадәр түләнә, эш бирүче субсидияне эшсезләрне эшкә урнаштырып, 1, 3 һәм 6 ай узгач алачак. Дәүләт ярдәмен эш бирүче әлеге карарда билгеләнгән шартларны үтәгәндә генә алырга мөмкин.