Мәшгульлек үзәгендә COVID-19 вакцинациясе буенча семинар узды

1 апрельдә Зәй шәһәре мәшгульлек үзәге базасында "Covid-19га каршы Прививка. Әйе, әллә юкмы?! " дигән темага семинар узды. Семинарда Зәй шәһәре мәшгульлек үзәге хезмәткәрләре һәм хәрби комиссариат белгечләре катнаштылар. Яңа коронавирус инфекциясенә каршы вакцинация турында лекция белән кулланучылар хокукларын яклау һәм кеше иминлеге өлкәсендә күзәтчелек буенча федераль хезмәтнең Татарстан Республикасы Зәй районындагы территориаль бүлеге башлыгы урынбасары Ринат Насыйбуллин, Татарстан Республикасында гигиена һәм эпидемиология үзәгенең Зәй районы филиалы гомуми гигиена буенча табибы Резеда Абзалова чыгыш ясады. Үз чыгышларында алар прививканың барлыкка килү тарихы, аңа нигез салучы турында сөйләделәр, вакцинациянең асылы ачылды. Чара барышында түбәндәге мәсьәләләр каралды: «Татарстанлыларга нинди вакцина ясыйлар», "Гам-Ковид-Вак вакцинасы составы?», "Прививкага ничек язылырга?», "Антитәнчекләр дәрәҗәсен тикшерергә кирәкме?» , "Кайсы очракта вакцина ясарга ярамый?». Лекциядә катнашучыларны яңа коронавирус инфекциясеннән вакцинацияләүдә актив катнашырга чакырдылар. Чара ахырында лекцияне тыңлаучылар үзләрен кызыксындырган сорауларын бирделәр һәм өстәмә киңәшләр алдылар.