«Планетаны чәчәкләр белән бизик» проекты буенча эш бара

«Бөртеккәй» балалар бакчасында ел саен үткәрелә торган «Планетаны чәчәкләр белән бизик» проекты кысаларында төрле яшьтәге балалар тәрбияләнүче төркемнәрдә чәчәк үсентеләре утыртылды. Бу чараның максаты булып табигый әйләнә-тирәлеккә сак караш тәрбияләү; табигатькә, декоратив үсемлекләр үстерүгә; өлкәннәргә хезмәт эшчәнлегендә ярдәм итү теләген формалаштыру, үсемлекләрнең тормыш циклы турында төшенчә бирү (орлыктан алып бутонга кадәр) тора. «Колобок» 2нче кечкенәләр төркеме балалары әзерләнгән туфракка чәчәк орлыкларын утырттылар. Тишелеп чыккач һәр көнне үз чәчәкләренең үсешен кызыксынып күзәттеләр. Тиздән үсентеләр үстерүгә уртанчылар төркеме балалары да кушылды. Алар үсентеләрне аерым савытларга күчерделәр. Мондый чара балаларда үсемлекләргә карата кызыксыну һәм мәхәббәт, чәчәкләрнең матурлыгын күреп, аларга соклана белү тәрбияли.