Зәйдә территориаль ведомствоара комиссия утырышы узды

Бүген Башкарма комитет җитәкчесенең икътисади үсеш, сәнәгать, сәүдә һәм эшмәкәрлеккә ярдәм буенча урынбасары Р.М. Архипова рәислегендә тормыш дәрәҗәсен күтәрү һәм керемнәрне легальләштерүгә кагылган мәсьәләләр буенча территориаль ведомствоара комиссиянең утырышы узды. Утырышка район-шәһәр предприятиеләре җитәкчеләре чакырылды. Анда минималь хезмәт хакы күләме үтәлешенә бәйле мәсьәләләр, шулай ук хезмәт хакы түләүдә барлыкка килгән бурычларны хәл итү чаралары каралды.