Эш бирүчеләр игътибарына

Зәй шәһәре халыкны эш белән тәэмин итү үзәге хәбәр итә: Россия Федерациясе Хөкүмәтенең 2021 елның 13 мартындагы 362 номерлы «Эшсез гражданнарны эшкә урнаштырганда юридик затларга һәм шәхси эшмәкәрләргә дәүләт ярдәме турында» карары нигезендә, 2021 елда юридик затларның һәм шәхси эшмәкәрләрнең эшсез гражданнарны эшкә урнаштыру чыгымнарын Россия Федерациясе Социаль иминият фонды тарафыннан каплау каралган. Дәүләттән субсидияне эш бирүчеләр 2021 елның 1 гыйнварына халыкны эш белән тәэмин итү үзәгендә исәптә торган һәм эшкә җибәрү датасына исәптә булган гражданнарны эшкә алган очракта алырга мөмкин. Субсидияләр күләме һәр яңа хезмәткәргә 12792шәр сумнан хезмәт өчен түләүнең 3 минималь хакын тәшкил итәчәк. Россия Федерациясе Социаль иминиятләштерү фондының чыгымнарны каплау кагыйдәләре “Россиядә эш” порталының «Эш бирүче» вкладкасында (https://trudvsem.ru) «Эш бирүчегә ярдәм» баннеры аша танышырга мөмкин. Гариза бирү. Россия Федерациясе Социаль иминият фондына чыгымнарны каплауга гаризаны, эшкә урнаштырылган эшсез гражданин хезмәт шартнамәсе нигезендә хезмәт бурычларын үтәүгә керешкән датадан соң бер айдан да иртәрәк түгел, әмма 2021 елның 1 ноябреннән дә соңга калмыйча бирергә мөмкин. Тулырак мәгълүматны Нефтьчеләр проспекты, 37б адресы буенча урнашкан Зәй шәһәре халык мәшгульлеге үзәгендә алырга була. Белешмәләр өчен телефон: 8(85558)7-15-43.