Зәйдә чираттагы авыл хуҗалыгы ярминкәсе узды

Бүген «Энергетик» мәдәният сарае каршындагы мәйданда чираттагы атналык авыл хуҗалыгы ярминкәсе узды. Ярминкәдә Агросәнәгать паркының һәм җирле җитештерүчеләре авыл хуҗалыгы продукциясенең киң ассортименты тәкъдим ителде. Шәһәр халкына үз продукцияләрен фермер хуҗалыклары,сәүдә нокталары, Аксар, Яңа Спас, Дурт - Мунча, Сәвәләй авыл җирлекләре тәкъдим итте. Традиция буенча, беренчеләрдән булып сәүдә рәтләре буйлап район башлыгы Разиф Кәримов узды, тәкъдим ителгән продукциянең ассортименты һәм сыйфаты белән танышты. Барлыгы 24 ярминкә эчендә 12 млн. 117 мең сумлык продукция сатылган. Исегезгә төшерәбез, шәһәрдә ярминкәләр әлегә дәвам итә, киләсе ярминкә 3 апрельдә 7:00 сәгатьтә башлана.