Архив эше буенча конкурс игълан ителде

Татарстан Республикасының Архив эше буенча дәүләт комитеты «Татарстан Республикасы дәүләт (муниципаль) архивын туплау чыганагы – коммерциячел булмаган оешма һәм гавами хакимият органының иң яхшы архивы» һәм «Татарстан Республикасы дәүләт (муниципаль) архивының комплектлау чыганагы – коммерция оешмасының иң яхшы архивы» конкурсларын үткәрә. Конкурс «2016-2023 елларга Татарстан Республикасында архив эшен үстерү» дәүләт программасын раслау турында» 2016 елның 10 июнендәге 395 номерлы Татарстан Республикасы Министрлар Кабинеты карарын (2020 елның 6 июлендәге ред.) тормышка ашыру максатларында, беренче чиратта, Россия Архив фонды һәм башка архив документларын саклау, исәпкә алу, комплектлау һәм куллану, күргәзмә эшчәнлеген оештыру һәм архив тармагын үстерү буенча алдынгы технологияләрне гамәлгә кертүне стимуллаштыруны күздә тотып үткәрелә. Гаризалар 2021 елның 25 мартыннан 23 апреленә кадәр кабул ителә. Конкурслар, аларны үткәрү вакыты, конкурсларда катнашучыларга карата таләпләр, катнашу өчен гариза һәм анкеталар турында мәгълүмат Татарстан Республикасының Архив эше буенча Дәүләт комитетының рәсми сайтында урнаштырылган (https://arhiv.tatarstan.ru). Сездән кызыклы проектлар көтелә!