Зәйдә көнкүрештә янгын куркынычсызлыгын саклау буенча ведомствоара рейд оештырылды
Шушы көннәрдә “Торак-2021” республика янгын-профилактика операциясе кысаларында “Радость” халыкка социаль хезмәт күрсәтү үзәгенең гаилә һәм балаларга социаль ярдәм күрсәтү бүлеге белгечләре районның ведомствоара социаль патронажында торучы гаиләләргә ведомствоара рейд оештырдылар. Профилактик төркем составында Россия гадәттән тыш хәлләр министрлыгының Татарстан Республикасы буенча Баш идарәсенең Зәй муниципаль районы буенча күзәтчелек эшчәнлеге һәм профилактика эшләре бүлеге инспекторы З.Т. Ризванова да бар иде. Чараның төп максаты-балалы гаиләләрнең яшәү шартларын контрольдә тотуны тәэмин итү һәм көнкүрештә янгын куркынычсызлыгы чараларын үтәү буенча инструктаж үткәрү. Газ плитәләренә техник хезмәт күрсәтү, электр үткәргече, автоном янгын хәбәрчеләре булган торак биналарда янгынның иртә стадиясендә ачыклау буенча эш оештырылды. Янгынга каршы хезмәт хезмәткәре янгынга каршы датчикларны эксплуатацияләү буенча инструктаж үткәрде, кайбер гаиләләрдә батареяларны алыштырырга тәкъдим итте. Ата-аналарга торак бинада янгын барлыкка килүнең төп сәбәпләре аңлатылды, көнкүрештә куркынычсыз яшәү рәвеше мәсьәләләре буенча киңәшләр бирелде. Көнкүреш газ һәм электр приборларын кулланган вакытта янгын куркынычсызлыгы таләпләрен үтәү кирәклеге турында аңлатмалар үткәрелде, гаиләләргә торак йортларда янгын чыгу сәбәпләре турында мәгълүмат бирелде, янгын килеп чыккан очракта үз-үзеңне тоту кагыйдәләре аңлатылды. Барлык гаиләләргә дә “Торакны янгыннан сакла!” , “Торак фондының янгын куркынычсызлыгы чаралары” дигән белешмәләр тапшырылды.