Зәйдә "әйләнә-тирә мохиткә йогынтыны бәяләү" проектының бүлеген карап тикшерү буенча иҗтимагый фикер алышулар узды

Бүген Зәйдә ГРЭСның төзеләчәк ПГУ-850МВт энергоблогына кагылышлы мәсьәлә - «Әйләнә-тирә мохиткә йогынты ясауны бәяләү» (ОВОС) проекты бүлеген карау буенча иҗтимагый фикер алышулар узды. Фикер алышуларда Зәй шәһәре кешеләре, муниципаль район Советы һәм Башкарма комитет белгечләре, «Татэнерго» АҖ Зәй ГРЭСы филиалы директоры Прохоров Д.В., «Татэнерго» АҖнең экология бүлеге башлыгы Сивков А.Л., ПГУ блогы төзелеше буенча филиал директоры урынбасары Стрелков Ю.М., «Тепинжениринг» Фирмасы АҖ генераль директоры Шаров И.А. катнашты. Иҗтимагый фикер алышуны архитектура һәм шәһәр төзелеше бүлеге башлыгы Р.Р. Исламова ачты. Төп мәсьәлә - «Әйләнә-тирә мохиткә йогынты ясауны бәяләү» (ОВОС) проекты буенча «Тепинжениринг» Фирмасы АҖ генераль директоры Шаров И.А. чыгыш ясады. Иҗтимагый фикер алышулар барышында катнашучылардан тәкъдимнәр һәм рекомендацияләр кермәде.