Зәйдә хокук бозуларны профилактикалау буенча Координация советы утырышы узды

Бүген хакимиятнең зур залында район Башкарма комитеты җитәкчесе Галиев Эмиль Эдуард улы рәислегендә хокук бозуларны профилактикалау буенча Координация советы утырышы узды. Утырыш эшендә совет әгъзалары, җирле үзидарә органнары, структур бүлекчәләр, хокук саклау органнары, район массакүләм мәгълүмат чаралары җитәкчеләре һәм белгечләре катнашты. Утырышның көн тәртибендәге 5 мәсьәлә буенча Россия Җәзаларны үтәтү федераль хезмәтенең Татарстан Республикасы буенча идарәсенең Зәй муниципальара филиалы башлыгы Иванов Андрей Васильевич, «Татмедиа» АҖ филиалы «Зәй– информ» җитәкчесе- Феофанова Гөлнара Минулла кызы, Россия Эчке эшләр министрлыгының Зәй районы буенча бүлеге полиция башлыгы урынбасары Архипов Виталий Валерьевич, район башкарма комитетының архив бүлеге башлыгы Шатунова Рәмзия Фәһим кызы чыгыш ясадылар. Аларның барысын да тыңлаганнан соң, хокук бозуларны профилактикалау өлкәсендә Координация советы рәисе Эмиль Галиев профилактиканың барлык субъектларына бу юнәлештә эшне көчәйтү буенча үз киңәшләрен бирде.