Зәйдә балалар һәм яшьләрнең ялын оештыру буенча ведомствоара комиссия утырышы узды

17 мартта хакимиятнең зур залында район Башкарма комитеты җитәкчесе Э.Э. Галиев рәислегендә Зәй муниципаль районында балалар һәм яшьләрнең ялын оештыру буенча ведомствоара комиссия утырышы узды. Утырыш эшендә комиссия әгъзалары, җирле үзидарә органнары, структур бүлекчәләр, хокук саклау органнары, район массакүләм мәгълүмат чаралары җитәкчеләре һәм белгечләре катнашты. 2021 елгы җәйге сәламәтләндерү кампаниясенә әзерлек мәсьәләсе буенча «Йолдызлык» балалар сәламәтләндерү лагере башлыгы Комиссарова Юлия Валерьевна, «Факел» балалар сәламәтләндерү лагере башлыгы Потупчик Валентина Николаевна, «Ялта Зәй» спорт әзерлеге үзәге директоры урынбасары Нәбиуллина Чулпан Мизхәт кызы чыгыш ясадылар. Мәктәп яны лагерьларында, хезмәт һәм ял лагерьларында балаларның җәйге ялын һәм сәламәтләндерүне оештыруга әзерлек буенча мәгариф идарәсе башлыгы Печина Лилия Равил кызы - балалар һәм яшьләрнең ял һәм сәламәтләндерү оешмаларында санитария – гигиеник чараларны үтәү буенча Татарстан Республикасы Роспотребнадзор идарәсенең Әлмәт, Зәй, Лениногорск, Сарман районнарындагы территориаль бүлеге башлыгы урынбасары Насибуллин Ринат Миннулла улы чыгышы тыңланды. Утырышта шулай ук балалар сәламәтләндерү лагерьларын медицина персоналы белән тәэмин итү, территорияләрдә, балалар һәм яшьләрнең ял һәм сәламәтләндерү оешмаларында җәмәгать тәртибен саклау һәм янгын куркынычсызлыгы таләпләрен үтәү мәсьәләләре каралды. Утырышка Зәй муниципаль районында балалар һәм яшьләрнең ялын оештыру буенча ведомствоара комиссия рәисе Эмиль Галиев нәтиҗә ясады.