Зәйдә җирле шагыйрә Надежда Чепурная белән очрашу узды

17 март көнне үзәк балалар китапханәсендә шагыйрә, С. Рәфыйков исемендәге премия лауреаты, оста куллы химаяче, киң күңелле, мәрхәмәтле шәһәрдәшебез Надежда Чепурная белән очрашу оештырылды. Анда 7 мәктәпнең 7 “Б” сыйныфы укучылары катнашты. Очрашуда сүз Надежда Семеновнаның шигъри иҗаты турында гына түгел, ә күңел һәм аның оста куллары белән тудырылган матурлык иҗаты, хәйрия эшчәнлеге турында да барды. Ул ел саен уенчыклар, канцелярия товарлары, кием-салымнан торган посылкалар әзерләп балалар йортларына, хастаханәләргә, Анжела Вавилова хосписына җибәрә. Шул рәвешле ул чит кешеләр тормышын һәм дөньяны яхшыртуга үзеннән өлеш кертә. Очрашуда оста кәгазьдән күбәләкләр ясау буенча мастер-класс үткәрде, аның шигырьләре укылды. Шул рәвешле мәхәббәт, матурлык, кешелеклелек мөнәсәбәтләре тәрбияләүче шигърият дөньясына мәдхия җырланды.