Мәктәп укучыларының кече академиясе командасы- интеллектуаль олимпиаданың төбәк туры призеры

10нчы март көнне Казан шәһәрендә мәктәп укучылары арасында «Нәрсә? Кайда? Кайчан?» исемле Идел буе федераль округы интеллектуаль олимпиадасының төбәк туры узды. Олимпиадада барлыгы 46 команда катнашты. Зәйнең «Сәләтле балаларга өстәмә белем бирү үзәге – укучыларның кече фәннәр академиясе» командасы шул чарада көч сынашып, призлы урынга чыкты. Конкурс 3 этапка бүленгән иде: «Үз уеның», «Күптөрлелек» һәм «Нәрсә? Кайда? Кайчан?». Беренче этапта Татарстан белән бәйле сорауларга җавап эзләделәр. Балалар кече ватаныбыз турында күп кенә кызыклы фактлар белән таныштылар. Икенче этапта объектлар арасында уртаклык табу, логик элемтәләр урнаштыру буенча көч сынашу булды. Өченче- йомгаклау этабында гомуми эрудициягә кагылышлы сораулар бар иде. Команда әгъзаларын һәм аларның остазы Л.П. Дмитриеваны чын күңелдән җиңүләре белән котлыйбыз.