Зәй муниципаль хезмәткәрләре командасы чаңгы буенча 1 нче урында

Бүген Казан шәһәренең Яңа Юдино поселогы "Локомотив" спорт комплексының чаңгы базасында 2021 елгы Татарстан Республикасы муниципаль хезмәткәрләре спартакиадасы исәбенә чаңгы ярышлары узды. Анда Петр Уразайкин, Илфат Гадершин, Татьяна Токмакова, Гөлнара Вәлиева составындагы Зәй районы командасы, муниципаль хезмәткәрләр һәм җирле үзидарәнең сайланулы вазыйфаларын биләгән затлар саны 141 һәм аннан күбрәк булган шәһәр округлары һәм муниципаль районнар арасында 1 төркемдә 1 нче урынны яулады. Петр Уразайкин ярышларның көмеш призеры булды.