"Аз хәрәкәтләнүче гражданнарны карау мәктәбе" ндә чираттагы дәрес узды

Өлкән яшьтәге авыру кешеләрне карау туганнарга гына түгел, социаль хезмәткәрләргә дә йөкләнә. Күп кенә очракларда аларның берсе дә өлкән яшьтәге кеше авыруының үзенчәлекләре, дөрес итеп карау һәм аны реабилитацияләү принциплары турында хәбәрдар түгел. Авыру үзе генә түгел, туганнары һәм якыннары да югалып кала һәм паникага бирелә, еш кына, тормышларын үзгәртүгә һәм нинди дә булса тернәкләндерү чараларын үткәрүгә алар әзер түгел, шуның аркасында гаиләдә конфликтлар килеп чыга һәм тискәре психоэмоциональ фон барлыкка килә, үз вакытында реабилитация үткәрмәгәнлектән, авыру кешенең сәламәтлеге начарлана. Болар барысы да тормыш сыйфатын киметүгә йогынты ясый. Якыннарын тәрбияләүче затларны укытуга юнәлдерелгән "Аз хәрәкәтләнүче гражданнарны карау мәктәбе"н оештыру әлеге проблемаларны булдырмау максатыннан оештырылды. Районнарда әлеге мәктәпләрне оештыру “Демография” милли проекты кысаларында өлкән яшьтәге кешеләр һәм инвалидларны озак вакытлы карау системасын тормышка ашыру чараларының берсе. 10 март көнне Зәй муниципаль районы “Радость” халыкка социаль хезмәт күрсәтү комплекслы үзәгендә чираттагы дәрес узды. Зәй үзәк хастаханәсенең медицина профилактикасы кабинеты мөдире Регина Михайловна шикәр диабеты авыруы турында җентекләп сөйләде. Дәрестә шушы авыру белән авыручыларны карау буенча файдалы киңәшләр бирелде. Лекция күрсәтмә материаллар күрсәтү белән үрелеп барды, бу чарада катнашучыларда зур кызыксыну уятты. Озак вакытлы карау системасы буенча белгеч Елена Алексеевна карау процессын җиңеләйтә торган чаралар турында сөйләде. “Аз хәрәкәтләнүче гражданнарны карау мәктәбе” укытучысы Любовь Плешкова ятучы авыруларны карау буенча практик күнекмәләр үткәрде.