Зәйдә «Ел укытучысы– 2021» Бөтенроссия конкурсының зона этабы узды

Бүген Зәй шәһәренең 6 нчы урта гомуми белем бирү мәктәбе базасында «Ел укытучысы – 2021»Бөтенроссия конкурсының зона этабы узды. Актаныш, Мөслим, Сарман, Түбән Кама һәм Зәй районнары педагоглары үзләренең һөнәри осталыкларын дәрестә күрсәттеләр һәм педагоглар бергәлеге өчен мастер-класслар тәкъдим иттеләр. Һөнәри осталык конкурсы-педагоглар тормышында мөһим вакыйга, аларның һөнәри үсеше өчен яңа импульс. Конкурсантларның чыгышларын жюри әгъзалары бәяләде: Татарстан Республикасы Мәгариф һәм фән министрлыгының гомуми белем бирү идарәсе башлыгы, педагогика фәннәре кандидаты Федорова Тамара Трофимовна; Татарстан Республикасы Мәгарифне үстерү институтының методик эш бүлеге башлыгы Мартьянова Ольга Валерьевна; Казан шәһәренең 36 нчы кичке гомуми белем бирү мәктәбе директоры Ахмерова Гөлзада Рафаил кызы; Яр Чаллы шәһәренең 26 нчы гимназиясе инглиз теле укытучысы Роденко Евгения Валерьевна; Алабуга муниципаль районы 8 нче урта гомуми белем мәктәбенең физик культура укытучысы Краснов Эдуард Олег улы. Сәламләү сүзе белән Зәй муниципаль районы Башкарма комитеты җитәкчесе Галиев Эмиль Эдуард улы чыгыш ясады.