“Кылган гамәлләре өчен һәркем үзе җавап бирә”

Бүген җәмгыять алдында торган иң актуаль һәм социаль әһәмиятле бурычларның берсе, һичшиксез, яшьләр арасында җинаятьләрне киметү юлларын эзләү һәм аларны профилактикалауның нәтиҗәлелеген арттыру. Хокук бозуларның арта барган дулкынына каршы көрәшү өчен, яшүсмерләр арасында күбрәк агарту һәм профилактика эшләре алып барырга кирәк. Нәкъ менә шул максаттан Зәй муниципаль районы “Радость” халыкка социаль хезмәт күрсәтү комплекслы үзәге психологы һәм социаль педагогы тарафыннан, балигъ булмаганнар арасында хокук бозуларны профилактикалау атналыгына багышланган чаралар кысаларында, 6 нчы урта гомуми белем бирү мәктәбе базасында тренинг элементлары белән дәрес үткәрелде. Чараның төп максатлары һәм бурычлары: - үз хокукларын яклый, үз гамәлләрен анализлый белүче, позитив юнәлешле социаль иҗади эшчәнлеккә сәләтле шәхес тәрбияләү.; - балигъ булмаганнарда үз-үзеңне дөрес тоту, сәламәт, хокук бозуларга каршы булган шәхес турында күзаллауларын формалаштыру.; - сайларга туры килгән ситуациядә дөрес карарлар кабул итә белү. Чарада 8 нче сыйныф укучылары катнашты. Балалар тренинг күнегүләрендә актив катнаштылар, төрле тормыш ситуацияләре турында фикер алыштылар, үзләре өчен һәр кеше үз гамәлләре өчен үзе җавап бирә дигән нәтиҗә ясадылар.