Зәй студентлар отрядлары штабы-республика конкурсының абсолют җиңүчесе

2021 елның 20 феврале, шимбә

17 февральдә Казан шәһәрендә «Яшьләр эше» форумы узды. Әлеге форум кысаларында бөтен республикадан 500дән артык студент отрядлары җыелды. Форумның мөһим вакыйгаларының берсе - «РСО-алга» студентлар отрядлары республика конкурсына йомгак ясау булды. Конкурс программасында алты этап иде. Форум кысаларында нәтиҗәләр ясалды һәм Зәй муниципаль районының студентлар отрядлары штабы командасы абсолют җиңүче булды һәм ГРАН-ПРИ номинациясендә җиңү яулады.