Зәй үзәк район хастаханәсенең медицина советы утырышы узды

Бүген «Энергетик» мәдәният йортында Зәй үзәк район хастаханәсенең 2020 елдагы эшчәнлеген йомгаклау буенча медицина советы утырышы узды. Аны район башлыгы Кәримов Разиф Гали улы ачты. Совет утырышында Татарстан Республикасы Сәламәтлек саклау министры урынбасары Фатыйхов Илдар Разин улы, 7нче шәһәр клиник хастаханәсенең баш табибы урынбасары, Татарстан Республикасының баш штаттан тыш кардиологы Ким Зөлфия Фәрит кызы, район Башкарма комитеты җитәкчесе Галиев Эмиль Эдуард улы катнашты. «Зәй үзәк район хастаханәсе» дәүләт автоном сәламәтлек саклау учреждениесенең 2020 елдагы эшчәнлеге йомгаклары һәм 2021 елга бурычлары турында баш табиб Фатыйхов Айдар Мөхәммәтнур улы чыгыш ясады. Финанс-икътисадый эшчәнлекнең төп күрсәткечләре белән баш табибның икътисад мәсьәләләре буенча урынбасары Захарова Ирина Леонидовна таныштырды. 2020 елда кадрлар бүлегендә башкарылган эшләр буенча бүлек башлыгы Зиннәтуллина Марина Сергеевна мәгълүмат бирде. Татарстан Республикасы Сәламәтлек саклау министры урынбасары Илдар Фатыйхов республика Сәламәтлек саклау оешмаларының эшенә йомгак ясады, Зәй үзәк район хастаханәсенең эшенә уңай бәя бирде һәм бу елга яңа бурычлар билгеләде. Ул киләчәктә дә үлем-китем күрсәткечләрен киметү һәм демографик күрсәткечләрне яхшырту буенча бурычларны бергәләп хәл итү зарурлыгына тукталды, йөрәк-кан тамырлары һәм онкология авыруларын профилактикалау һәм дәвалауга, яңа коронавирус инфекциясен (COVID-19) таратуны кисәтү буенча чараларны тагын да көчәйтергә кирәклегенә зур игътибар бирде. Район башлыгы Разиф Кәримов медицина Советы утырышына йомгак ясады. Ул билгеләп үткәнчә, 2020 ел чынлап та Сәламәтлек саклау елы булды, нәкъ менә медицина хезмәткәрләренә-табибларга һәм фельдшерларга, шәфкать туташларына һәм санитарларга, ашыгыч медицина ярдәме автомобильләрен йөртүчеләргә мәкерле вируска каршы бергәләп көрәшергә, ныклык, сабырлык, үз һөнәрләренә тугрылык күрсәтергә туры килде. Утырышта медицина хезмәткәрләре исеменә бик күп җылы сүзләр әйтелде һәм 2021 елны тагын да нәтиҗәле итеп үткәрерү мөһимлеге ассызыкланды. Соңыннан сәламәтлек саклау өлкәсенең иң яхшы хезмәткәрләрен бүләкләү тантанасы үтте. Аларның хезмәте бәяләп бетергесез: меңләгән кешенең гомерен саклап калучылар бүгендә көндә дә алдынгы рәттә. Киләчәктә дә игелекле һәм халыкка кирәкле хезмәтләрендә уңышлар телибез!