Педагогларның һөнәри осталык конкурслары

Заманча педагог һәрвакыт укыту өлкәсендә даими яңартылып торучы алымнар һәм методикалардан хәбәрдар булырга, шулай ук аларны үз эшендә куллана белергә тиеш. «Ел укытучысы», «Иң яхшы татар теле һәм әдәбияты укытучысы», «Педагогик дебют» һәм «Ел тәрбиячесе» һөнәри бәйгеләре яшь педагогларның да, зур эш стажы булган педагогларның да һөнәри талантларын ачу өчен менә дигән мәйданчык булып тора. Быел һөнәри осталык конкурсына барлыгы 60 укытучы һәм мәктәпкәчә белем бирү учреждениеләренең 30 тәрбиячесе чакырылган иде. Конкурсның «Иң яхшы рус теле һәм әдәбияты укытучысы», «Иң яхшы башлангыч сыйныф укытучысы» һәм «туган (татар) телендә иң яхшы тәрбияче» номинацияләренә өстәмә булуы аерым мәгънәгә ия. Бөтенроссия конкурсының зона этабына шәһәр һәм район мәгариф учреждениеләренең 4 иң яхшы укытучысы һәм 2 тәрбиячесе генә үтте. Март башында аларга дәрес күрсәтергә, үзләренең һөнәри күнекмәләрен, мастер-классларда һәм иҗади остаханәләрдә укыту методикалары белән уртаклашырга туры киләчәк.