Зәйдә юбилярны котладылар

Зәй шәһәрендә яшәүче Белышева Ольга Григорьевна бүген үзенең 95 яшьлек юбилеен билгеләп үтте. Юбилярны шәһәр башлыгы урынбасары Елена Владимировна Недошивина, мәгариф бүлеге методисты, профсоюз оешмасы җитәкчесе Ирина Александровна Вахитова һәм район мәдәният йорты автоклуб хезмәткәрләре котлады. Ольга Григорьевна Сәвәләй авылында туып үскән. Укытучы һөнәрен сайлап, гомерен балалар тәрбияләүгә багышлаган. Озак еллар Чыбыклы мәктәбендә математика укытучысы булып эшләп, лаеклы ялга чыккан. Эшләү дәверендә бик күп мактау кәгазъләре белән бүләкләнә. Бүгенгесе көндә ялгызы гына гомер кичерә. Туганнары, күршеләре, укучылары аны онытмый, һәрдаим аның хәлен белеп, ярдәм итеп торалар.