Үзәк китапханәдә Халыкара рәхмәт сүзенә багышланган чара үткәрелде

11 гыйнвар көнне С. Рафыйков исемендәге Үзәк китапханәдә «Кышкы смена» лагере балалары өчен Халыкара “Рәхмәт” көненә багышланган «До чего ж оно красиво, слово доброе… «спасибо» дигән танып – белү күңел ачу чарасы үткәрелде. «Рәхмәт» көнен бөтен дөньяда билгеләп үтәләр. Нинди диндә булуы, яше, милләте кем булуы мөһим түгел. Бу көнне кешеләр үзләренең якыннарына, дусларына, туганнарына, авыр минутларда булышкан кешеләргә чын күңелдән рәхмәт белдерәләр. Укучылар бәйрәмнең тарихын, «Рәхмәт» дигән тылсымлы сүзнең барлыкка килүен, дөньяның төрле телләрендә яңгыравын белделәр. Балалар «Тәрбиялелек әлифбасы» викторинасы сорауларына актив җавап бирделәр, «Сүз әйт», «Рәхмәт әйт» дигән уеннарда катнаштылар.