Район башлыгы Разиф Гали улы Кәримовның Раштуа бәйрәме белән котлавы

Хөрмәтле зәйлеләр, православие динен тотучылар! Сезне чын күңелдән якты Раштуа бәйрәме белән котлыйм! Раштуа бәйрәме күп гасырлар буена кешеләргә зур шатлык китерә, сүнмәс ышаныч яктылыгы бүләк итә, йөрәкләргә мәхәббәт иңдерә һәм изгелеккә чакыра. Ул шәфкатьлелеккә өнди, киләчәккә ышанычны ныгыта. Зәйлеләр, христиан диненең иң яхшы традицияләренә тугры калып, тормышыбыздагы югары әхлакый кыйммәтләрне ныгытуда әһәмиятле роль уйный, җирдә тынычлык, татулык хакына тугры хезмәт итү, дин тотучыларның үзара бердәмлеген көчәйтү мәсьәләләрен хәл итүдә актив катнаша. Раштуа бәйрәме яктысы православие динендәгеләр күңелендә беркайчан да сүнмәсен! Чын күңелдән барыгызга да сәламәтлек, иминлек, бәхет, муллык телим.