Зәйдә 17-18 яшьлек егетләр-кызлар арасында чаңгы буенча ТР Беренчелеге узачак

5-9 гыйнварда «Ялта-Зәй» спорт әзерлеге үзәге базасында 17-18 яшьлек (2003-2004 елгы) егетләр һәм кызлар арасында чаңгы ярышлары буенча Татарстан Республикасы беренчелеге узачак. Ярышларда Татарстан Республикасы муниципаль берәмлекләре (шәһәр һәм районнары) җыелма командалары катнашачак. Ярышлар Татарстан Республикасында чаңгы спортын популярлаштыру һәм алга таба үстерү, чаңгычыларның спорт осталыгын арттыру, Татарстан Республикасы җыелма командаларына кандидатлар әзерләү дәрәҗәсен карау максатларында үткәрелә. Ярышларның программасы: 5 гыйнвар- килү, 6 гыйнвар: 10.00-ярышларны ачу, 11.00-аерым старт, ирекле стиль. Кызлар 10 км. 12.30 – аерым старт, ирекле стиль. Егетләр 15 км. 14.00-җиңүчеләрне рәсми бүләкләү тантанасы. 7 гыйнвар: 10.30 – Спринт. Классик стиль. Кызлар, егетләр квалификациясе-1,25 км, 12.00-чирекфинал, ярымфинал, финал. Кызлар, егетләр. 14.00-җиңүчеләрне рәсми бүләкләү тантанасы. 9 гыйнвар: 11.00-аерым старт, классик стиль. Кызлар 5 км. 12.00 – аерым старт, классик стиль. Егетләр 10 км. 14.00-җиңүчеләрне рәсми бүләкләү тантанасы. Ярышларны ябу.