Зәйдә чираттагы авыл хуҗалыгы ярминкәсе 16 гыйнвар, шимбә көнне булачак

Хөрмәтле зәйлеләр! Чираттагы авыл хуҗалыгы ярминкәсе 2021 елның 16 гыйнварында оештырыла. «Энергетик» мәдәният йорты каршындагы үзәк мәйданда 35тән артык сәүдә ноктасы эшләячәк. Шәһәр халкына «Зәй” агросәнәгать паркы, шәхси эшмәкәрләр, Поповка, Поручик, Сәвәләй, Сармаш-баш, Якты Күл авыл җирлекләре шәхси ярдәмче хуҗалыклары үз продукциясен тәкъдим итәчәк.