Бәйрәм алды ярминкәсе шимбә түгел, якшәмбе көнне, 27 нче декабрьдә узачак

2020 елның 24 декабре, пәнҗешәмбе

27 декабрьдә «Энергетик» мәдәният йорты каршындагы үзәк мәйданда Яңа ел алды авыл хуҗалыгы ярминкәсе узачак. Зәйлеләр ярминкәдән бәйрәм табынына кирәк булган азык-төлек товарларын сатып ала алачаклар. Бу көнне үз продукцияләрен сатуга шәһәрнең сәүдә нокталары, агросәнәгать паркы, эшмәкәрләр һәм фермерлар, Гулькин, Дүрт-Мунча, Югары Нәлем, Түбән Биш, Яңа Спас авыл җирлекләре шәхси ярдәмче хуҗалыклары куячак.