Зәйдә юл хәрәкәте иминлеген тәэмин итү комиссиясенең киңәйтелгән утырышы узды

Зәй муниципаль районында юл хәрәкәте иминлеген тәэмин итү комиссиясенең киңәйтелгән утырышы булып узды, анда район Башкарма комитет җитәкчесе Галиев Э.Э., полиция майоры Гарифуллина Р.Г., ЮХИДИ идарәсенең Зәй филиалы башлыгы Иванов В. В., оешма җитәкчеләре, авыл җирлекләре башлыклары, мәктәп директорлары һәм балалар бакчалары мөдирләре катнашты. Утырышта түбәндәге мәсьәләләр каралды: Зәй муниципаль районы территориясендә 2020 елның агымдагы чорына аварияләрнең торышы һәм юл-транспорт һәлакәтләрендә зыян күрүчеләрнең санын киметү буенча күрелә торган чаралар; Зәй шәһәре һәм районында 2020-2021 елларда кышкы чорда юлларны карап тоту эшләренең барышы. Транспорт чаралары белән идарә итүгә машина йөртүчеләрнең рөхсәтен контрольдә тотуны оештыру; юл хәрәкәте куркынычсызлыгы ДБУ системасы эше; мәгариф учреждениеләрендә юл хәрәкәте иминлеге буенча эшләрне оештыру; авыл җирлекләрендә юл хәрәкәте иминлеген профилактикалау һәм башкалар. Юл хәрәкәте иминлеге буенча район тормышының барлык өлкәләренең бердәм эшләве нәтиҗәсендә генә уңай нәтиҗәләргә ирешеп була. Юл йөрү кагыйдәләрен балалар бакчасыннан ук өйрәтергә кирәк. Мәктәпкәчә, мәктәп яшендәге балалар һәм, әлбәттә, ата-аналар белән профилактик эш даими контрольдә булырга тиеш. Шулай ук юл оешмалары җитәкчеләре өчен иң төп бурычларның берсе-автомобиль юлларын карап тотуны контрольдә тоту. Сыйфатлы юллар-ул иминлек һәм уңайлылык нигезе. Утырышка район Башкарма комитеты җитәкчесе Галиев Э.Э. йомгак ясады.