Зәйдә "Медицина десанты" ирекле акциясе үтте

9 декабрьдән 13 декабрьгә кадәр Зәй муниципаль районында ТР Студентлар отрядлары проекты "Медицина десанты" ирекле акциясе эшләде. Медицина десантының 8 сугышчысы безнең шәһәрнең 6 нчы мәктәбендә һәм Зәй политехник колледжында булдылар, анда башлангыч сыйныфлар өчен сәламәтлек дәресләре, беренче медицина ярдәме күрсәтү турында лекцияләр, өлкән сыйныф укучылары өчен COVID-19 вирусын профилактикалау турында лекцияләр үткәрделәр, ә көллият студентларына ВИЧ-йогышларны профилактикалау турында сөйләделәр. 12 декабрьдә меддесант Зәй РҮХдә эшләде, анда ВИЧ-инфекциягә аноним тест үткәрүне оештырдылар. Бу студентлар медицина отрядлары тарихында бишенче медицина десанты һәм Зәй муниципаль районында өченче медицина десанты. Узган елларда сугышчылар авыл җирлеге халкына медицина күзәтүе үткәрү өчен бардылар, бер үк вакытта халыкка хуҗалык эшләрендә булыштылар. Әлеге эш форматы халыкка ярдәм күрсәтүгә, яшь буынны беренче медицина ярдәме күнекмәләренә өйрәтүгә, авыруларга алдан профилактикалау күнекмәләре үткәрүгә һәм яшьләргә һөнәри юнәлеш бирүгә юнәлдерелгән. "Медицина десанты" акциясенең нәтиҗәләре булды: шәһәрнең 7 уку йортында булдылар, Зәй шәһәре мәктәпләренең 250дән артык укучысы лекцияләрдә катнашты, Зәй политехник көллиятенең 100дән артык студенты беренче медицина ярдәме һәм ВИЧ-йогышларны профилактикалау кагыйдәләре турында белде, 50 кеше ВИЧ-инфекциягә аноним тестирование үтте. "Медицина десанты" республика акциясе тәмамлануга мәгариф идарәсе башлыгы Лилия Равил кызы Печина студентларга шундый файдалы эш оештырганнары өчен рәхмәт белдерде. Ә акциягә йомгакны Зәй РҮХнең баш табибы Айдар Мөхәммәтнур улы Фатыйхов ясады, булачак хезмәттәшләренә медицинага битараф булмаган мөнәсәбәтләре, һәм игелекле эшләр оештырганнары өчен рәхмәт белдерде.