Район башлыгы Разиф Кәримов зәйлеләрне РФ Конституциясе көне белән тәбрикли

Хөрмәтле зәйлеләр! Сезне иң мөһим дәүләт бәйрәмнәренең берсе - Россия Федерациясе Конституциясе көне белән котлыйм! Илебез Конституциясе Россия дәүләтчелеген, төрле милләт һәм дин тотучы кешеләр арасында гражданлык татулыгы һәм бердәмлекне ныгыту өчен ышанычлы нигез булып тора. Шул ук вакытта Төп Закон гражданнардан дәүләт бердәмлегенә, туган ил иминлегенә, аның чикләренең куркынычсызлыгына һәм какшамаслыгына сакчыл һәм кайгыртучан мөнәсәбәт таләп итә. Безнең барыбыз да Россия Федерациясен - көчле держава, Татарстан Республикасын - тотрыклы үсүче төбәк, Зәй муниципаль районын инвестицияләр җәлеп итү өчен уңайлы яшәү урыны итеп күрергә телибез. Төбәк һәм муниципаль хакимиятнең барлык социаль-икътисади сәясәте моңа юнәлдерелгән дә инде, ә зәйлеләр үзләренең тырыш хезмәтләре, һөнәри осталыклары һәм шәхси казанышлары, халык традицияләренә сакчыл карашлары белән бәйсез, демократик һәм заманча дәүләт үсешенә зур өлеш кертәләр. Россия Конституциясе алга таба да илебез халкының конституцион хокукларын һәм социаль гарантияләрен тәэмин итүгә, гомуммилли мәсьәләләрне хәл итүгә хезмәт итәр дип ышанам. Кадерле зәйлеләр! Сезгә чын күңелемнән тынычлык һәм бәхет, нык сәламәтлек һәм оптимизм, туган районыбыз, республикабыз һәм Россия үсеше, иминлеге хакына яңа казаныш-уңышлар телим!