Зәйдә чираттагы авыл хуҗалыгы ярминкәсе узды

Бүген «Энергетик» мәдәният йорты каршындагы үзәк мәйданда сезон башыннан алып уникенче, чираттагы ярминкә узды. Гадәттәгечә, беренчеләрдән булып сәүдә рәтләре буйлап район башлыгы Разиф Галиевич Кәримов узды һәм шәһәрлеләргә тәкъдим ителгән продукциянең ассортиментын һәм сыйфатын бәяләде. Бу атнада Аксар, Александр Бистәсе, Баграж, Сәвәләй, Сармашбаш авыл җирлекләрендәге шәхси ярдәмче хуҗалыклар үз продукцияләрен тәкъдим итте, ярминкәдә шулай ук фермерлар Карташов Н.В., Ионов В.И., Савгильдин В. В., Рафаиловлар, Носовлар актив катнашты.Ярминкәдә чагыштырмача түбән бәя белән сатылучы шикәр комына ихтыяҗ аеруча зур. Шәһәр халкы шулай ук ит, яшелчә, ит һәм сөт продукциясе сатып ала. Бәйрәм алды ярминкәләре көннән-көн популярлаша бара. Унике ярминкә эчендә 6 млн. 400 мең сумлык товар сатылган.