Зәйдә мәгариф оешмаларында хезмәтне саклау буенча киңәшмә үткәрелде

Бүген район Башкарма комитеты җитәкчесенең инфраструктура үсеше буенча урынбасары Н.А. Нифатов «Зәй муниципаль районы мәгариф учреждениеләрендә хезмәтне саклау һәм куркынычсызлык техникасы» темасына киңәшмә үткәрде. Тема буенча «Шатлык», Бигеш авылының "Күбәләк" балалар бакчасы, Гүлкин авылының "Чишмә", Кадер авылының “Кояшкай” балалар бакчасы мөдирләре, 6 нчы мәктәп, аерым фәннәрне тирәнтен өйрәнүле 7нче урта гомуми белем бирү мәктәбе, Мансур Хәсән улы Хәсәнов исемендәге Бигеш урта мәктәбе, Төги, Чыбыклы төп гомуми белем бирү мәктәпләре җитәкчеләре чыгыш ясады. Киңәшмә барышында хезмәт шартлары һәм аны саклауның торышы, инструктажлар үткәрү, укыту һәм хезмәткәрләр тарафыннан хезмәтне саклау таләпләрен белүгә тикшерү узу, белем бирү процессының куркынычсызлыгын тәэмин итү, хезмәт шартларын махсус бәяләү, хезмәткәрләрне махсус кием, махсус аяк киеме һәм башка шәхси саклану чаралары белән тәэмин итү, медицина тикшерүләре уздыру һ. б. мәсьәләләр каралды. Утырышка Николай Нифатов йомгак ясады.