Туган якны өйрәнү музеенда «Без бу хәтергә тугры " конкурсына йомгак ясалды

Зәй туган якны өйрәнү музее эшенең төп өлешләреннән берсе-якташларыбыз, Бөек Ватан сугышында катнашучылар турында мәгълүмат җыю. 2020 елның сентябрендә Бөек Ватан сугышында Җиңүнең 75 еллыгына багышланган яңа конкурска старт бирелде. «Без бу хәтергә тугры» дигән конкурсның төп максаты-ил тарихындагы иң мөһим вакыйгаларның берсе белән кызыксынуны арттыру һәм укучылар арасында тарихи хәтерне саклау иде. 10 декабрьдә музейның “Хәтер залы"нда конкурста җиңүчеләрне һәм катнашучыларны символик бүләкләү булды. «Мирас –горур хәтер» номинациясендә Сәвәләй гомуми белем бирү мәктәбе 5 сыйныф укучысы Мингалимова Диананың «Минем бабам-Бөек Ватан сугышында катнашучы» дигән конкурс эше җиңде. «Бу гадәти булмаган әйбер» номинациясендә 6 нчы мәктәп укучысы Мухортов Максимның «Васильев Петр Константиновичның очыш шлемы» дигән конкурс эше 1 нче урынга чыкты. «Ветераннар» номинациясендә Югары Нәлем гомуми белем бирү мәктәбе укучысы Шәфигуллина Зәйнәпнең «Нәҗибә безнең йөрәкләрдә» дигән конкурс эшенә тиңнәр булмады. «Эзтабарлар эзләнү алып бара» номинациясендә 6 нчы мәктәп укучысы Столярова Мария «Хатын-кыз һәм сугыш» дигән конкурс эше белән җиңеп чыкты. Конкурста җиңүчеләр һәм катнашучылар бүләк сертификатлары һәм истәлекле призлар белән бүләкләнде. “Яшь катнашучы” дипломы М.Х. Хәсәнов исемендәге Бигеш урта мәктәбенең 3 сыйныф укучысы Зиатдинова Гүзәлгә, сертификатлар Александр Бистәсе төп гомуми белем бирү мәктәбе укучысы Фомина Анастасия, 6 нчы мәктәбе укучысы Мырсиков Егор, 1 нче мәктәбе укучысы Насиров Фиданга тапшырылды. Конкурс шартлары буенча, Рәхмәт хатлары белән ике яки аннан да күбрәк гариза әзерләгән педагоглар бүләкләнә. Нуждина Любовь Владимировна конкурска 6 нчы мәктәп укучыларының һәм балалар иҗат йортына йөрүчеләрнең өч эшен, Югары Нәлим мәктәбе укытучысы Насырова Ландыш Фәрит кызы конкурска ике эш җибәрде. Һәр педагогка 2021 нче елда Зәй туган якны өйрәнү музеена гаилә сертификаты тапшырылды.