Зәй терлекчеләре 11 айлык эшкә йомгак ясыйлар

Бүген Чыбыклы товарлыклы-сөтчелек комплексында 2020 елның 11 аенда Зәй муниципаль районы хуҗалыкларында терлекчелек тармагы эшчәнлеген анализлау буенча семинар-киңәшмә узды. Семинар эшендә район башлыгы Разиф Кәримов, район агрофирмаларының баш зоотехниклары һәм баш икътисадчылары, Зәй район ветеринария берләшмәсе һәм авыл хуҗалыгы һәм азык-төлек идарәсе белгечләре катнашты. Практик өлештә семинарда катнашучылар кышлатуның барышы, терлекләрне карау һәм ашату технологиясе белән таныштылар. Пленар өлеш Чыбыклы авылы мәдәният йортында узды. Анда семинар темасы буенча сораулар каралды, шул исәптән терлекчелек тармагының 11 айдагы эшчәнлегенә, шул исәптән җитештерелә торган продукциянең үзкыйммәтенә тирән анализ ясалды, фермаларда агымдагы вәзгыять тикшерелде, якын киләчәккә бурычлар билгеләнде. Район башлыгы Разиф Кәримов терлекчеләр алдына савым сыерларын тулы күләмдә тукландыруны оештыру, тәүлеклеклек рационнарын баланслау, сөт продуктлылыгын тәүлегенә 20 литрга кадәр арттыру бурычын куйды. Бүген районда 4625 савым сыеры исәпләнә, бер сыерга уртача тәүлеклек савым 15,5 кг тәшкил итә, көн саен 76,5 тонна сөт тапшырыла.