«Геройлар беркайчан да үлми, геройлар безнең хәтердә яши»

9 декабрьдә Россиядә Ватан Геройлары көне билгеләп үтелә. Бу дата календарьда беренче тапкыр 2007 елда истәлекле көн буларак барлыкка килде. Ватан Геройлары көнен бәйрәм итү өчен 9 декабрь - Россия империясендә Изге Георгий Победоносец ордены гамәлгә куелган көн сайланган иде. 8 декабрь көнне туган якны өйрәнү музее хезмәткәрләре 3нче мәктәпнең 5 «А» сыйныфы укучылары өчен Инвалидлар декадасы кысаларында «Геройлар беркайчан да үлми, геройлар безнең хәтердә яши» дип исемләнгән җәяүле экскурсия үткәрделәр. Җәяүле экскурсия "Азатлык китерүче сугышчы" һәйкәле янында башланды, аннары Советлар Союзы Геройлары Г.Ф. Ларионов, Н.И. Майков һәм Дан орденының тулы кавалеры А. А. Васильев бюстлары янына уздылар. Балалар сугыш хәрәкәтләрендә катнашкан якташларыбыз, Бөек Ватан сугышында җиңүгә зур өлеш керткән тыл хезмәтчәннәре турында белделәр. Җәяүле экскурсия барышында музей хезмәткәрләре Әфганстан һәм Чечен Республикасындагы хәрби бәрелешләр турында сөйләделәр, беренчесендә Зәй районыннан 211 егет катнашып, 9ы кире кайтмады; икенчесендә 205 зәйленең 3се башын салды. Экскурсия барышында балалар Чернобыль АЭСындагы аварияне бетерүдә 96 якташыбызның катнашуы турында да белделәр.